رحلة الي جزر المالديف بتكلفة غير متوقعه - استعد للصدمة !!



    جزر المالديف واحدة من أجمل أماكن السفر وشهر العسل، و يزورها أكتر  من 800 ألف سائح كل سنة، ومشهورة بالرياضات المائية، والمنتجعات الفخمة والاسترخاء.
    ولكن عكس الشائع، ممكن جدا تسافر المالديف بتكلفة قليلة. مشكلة المالديف الرئيسية هى إن منتجعاتها غالية، لكن من كام سنة الدولة سمحت للناس هناك تفتح هوستلز فتكلفة السفر قلت كتير.
    ومن حسن الحظ تقدر تسافرها بكره عادى وتطلع فيزا فى المطار هناك طالما معاك حجز طيران وأوتيل. ولما اتصلت بالسفارة قالوا لى إن تكلفة الفيزا 10 دولار فى الليلة، فحسب مدة سفرك بتكون تكلفة الفيزا يعني لو اسبوع بتكون كلفة التاشيرة 70 دولار .
    تكلفة السفر :
    تذاكر القاهرة - ماليهِ متوسط سعرها  4000 جنيه مصرى فى الأوقات غير المزدحمة من الموسم لو دورت صح. وفى بعض الأحيان ممكن تلاقى تذاكر أرخص من مطار برج العرب فى اسكندرية.
    وبالنسبة للاقامة :
    زى ما اتكلمنا هـ نركز بوضوح على الفنادق الصغيرة المدارة محليا، دى اللى ممكن تلاقى فيها أسعار معقولة.
    المالديف عبارة عن 1200 جزيرة، 200  منها هى الجزر المحلية اللى بنشوف فيها اقامتنا دلوقتى. وده عدد كبير جدا فالمقال مش هـ يكون كافى لاستعراض الإقامة فيهم كلهم. فهـ نعرض لكم بعض الأمثلة المناسبة، ولو عايز معلومات أكتر دور على الإنترنت.
    اوتيل صغير على جزيرة مافوشى، سعر الغرفة المزدوجة بالفطار 430 جنيه في الليلة .

    انزل على جزيرة جورايداهو، الغرفة المزدوجة بـ 370 جنيه بالفطارفي الليلة .
    وجرب تستكشف الموقع ده هتلاقى عليه دليل ممتاز للفنادق الرخيصة فى المالديف .
    يعنى بتتكلم فى تكلفة سفر وإقامة تبدأ من 5500 جنيه فى مكان زى المالديف لو هتقعد 4 ايام !
    وقت الرحلة وخط  الطيران  :
    طبعا الوضع بيختلف حسب شركة الطيران اللي هتسافر عليها ولكن انت بتتوجه من مصر الي دبي  وبعد ذلك بتتوجه من دبي الي جزر المالديف .
      وبتكون المسافة من دبي الي المالديف 5 ساعات + المسافة من مصر الي دبي + وقت الراحة في مطار دبي .
    لما توصل المالديف تعمل ايه ......

    استمتع برياضة الغطس ....


    استمتع بمنظر الغروب  علي أجمل الشواطئ .....


    استمتع بجولة في سوق السمك ......

    استمتع برحلة صيد ......


    شارك المقال

    مقالات متعلقة